അച്ഛനെ സംവിധാനം ചെയ്തത് അഭിമാനകരമായ നിമിഷം,'ലാല്‍സലാം' ചെയ്യുമ്പോള്‍ രജനികാന്ത് മകളോട് പറഞ്ഞത്, മനസ്സ് തുറന്ന് ഐശ്വര്യ
തനിക്കുവേണ്ടി ഒന്നും മാറ്റാന്‍ അദ്ദേഹം ആഗ്രഹിച്ചില്ല, പ്രത്യേകിച്ചും രജനിസത്തിന്റെ ആഘോഷമായിരുന്ന ജയിലറിന്റെ സൂപ്പര്‍ വിജയത്തിന് ശേഷം സിനിമ വരുന്നതിനാല്‍.മുഴുവന്‍ സിനിമയും അദ്ദേഹത്തെ കേന്ദ്രീകരിക്കുന്നതിനുപകരം, തന്റെ കഥാപാത്രം സിനിമയുടെ ഭാഗമായാല്‍ മാത്രം മതി എന്നായിരുന്നു അദ്ദേഹത്തിന്റെ ആഗ്രഹം എന്ന് മകള്‍ വെളിപ്പെടുത്തി. ഇത് ഫിലിം മേക്കറായ തന്നെ സന്തോഷിപ്പിച്ചു.കാരണം അത്തരം നിലവാരവും മാസ് അപ്പീലും ഉള്ള ഒരു കലാകാരന്‍ സിനിമയുടെ ഉള്ളടക്കത്തില്‍ കൂടുതല്‍ ശ്രദ്ധ കേന്ദ്രീകരിക്കുന്നു എന്നതിനാലാണ്.സൂപ്പര്‍സ്റ്റാര്‍ രജനികാന്തിനെ സംവിധാനം ചെയ്തത് ഒരു നേട്ടമായി തനിക്ക് തോന്നി, തന്റെ പിതാവിനെ സംവിധാനം ചെയ്യുന്നത് അഭിമാനകരമായ നിമിഷമാണെന്നും ഐശ്വര്യ കൂട്ടിച്ചേര്‍ത്തു.
