നാന സിനിമ വാരികയ്ക്കെതിരെ രൂക്ഷ വിമര്‍ശനവുമായി സംവിധായകന്‍ ശ്യാമപ്രസാദ്. ഷൂട്ടിംഗ് ലൊക്കേഷനില്‍ വെച്ച് ചിത്രങ്ങള്‍ പകര്‍ത്താന്‍ വിസമ്മതിച്ചതിന്റെ പേരില്‍ യുവനടന്‍ നിവിന്‍ പോളിക്കെതിരെ നാന സിനിമ വാരിക നടത്തിയ വിമര്‍ശനങ്ങള്‍ക്കുള്ള മറുപടിയുമായാണ് ശ്യാമപ്രസാദ് രംഗത്തെത്തിയിരിക്കുന്നത്. ഒരു വ്യക്തിയെ മാത്രം ലാക്കാക്കി, ആപത്സൂചന, ശാപം എന്നിങ്ങനെയൊക്കെയുള്ള അമ്പുകള്‍ എയ്യുന്നതും ടീമിനകത്ത് തെറ്റിദ്ധാരണകളും കുത്തിത്തിരിപ്പും ഉണ്ടാക്കാന്‍ ശ്രമിക്കുന്നതുമൊക്കെ പതിവ് മാധ്യമ വികൃതികള്‍ മാത്രമെന്നേ കരുതാന്‍ കഴിയൂവെന്ന് ശ്യാമപ്രസാദ് തന്റെ ഫേസ്ബുക്ക് പോസ്റ്റിലൂടെ അഭിപ്രായപ്പെട്ടു.
