ദൃശ്യത്തിന്‍റെ പെരുമ ഭാഷകള്‍ക്കതീതമായി ഇന്ത്യ മുഴുവന്‍ വ്യാപിക്കുമ്പോള്‍ അത് മലയാളികള്‍ക്ക് അഭിമാനമാകുന്ന കാര്യമാണ്. ദൃശ്യത്തിന്‍റെ കന്നഡ, തെലുങ്ക്, തമിഴ് പതിപ്പുകള്‍ വന്നുകഴിഞ്ഞു. തമിഴ് പതിപ്പ് ‘പാപനാശം’ മലയാളത്തേക്കാള്‍ വലിയ ഹിറ്റുമായിക്കഴിഞ്ഞു.
ദൃശ്യവും പാപനാശവും തമ്മില്‍ താരതമ്യപ്പെടുത്തുന്നത് ഇപ്പോള്‍ ദക്ഷിണേന്ത്യന്‍ സിനിമാപ്രേമികളുടെ ഇഷ്ടവിഷയമാണ്. മോഹന്‍ലാലാണോ കമല്‍ഹാസനാണോ നന്നായത്? “അവര്‍ അസാധാരണ പ്രതിഭകളാണ്. 35 വര്‍ഷമായി അവര്‍ അഭിനയരംഗത്തുണ്ട്. അവരെ തമ്മില്‍ താരതമ്യപ്പെടുത്താനാകില്ല” - അജയ് ദേവ്ഗണ്‍ അങ്ങനെയൊരു സാഹസത്തിന് മുതിരുന്നില്ല.
ശ്രീയാ സരണ്‍, തബു, രജത് കപൂര്‍ തുടങ്ങിയവര്‍ ഹിന്ദി ദൃശ്യത്തില്‍ പ്രധാന കഥാപാത്രത്തെ അവതരിപ്പിക്കുന്നു.
