മോഹന്‍ലാല്‍ നായകനാകുന്ന സിനിമകളുടെ ബജറ്റ് കുതിച്ചുയരുമെന്ന് റിപ്പോര്‍ട്ട്. ഏറ്റവും കുറഞ്ഞത് 20 - 25 കോടി ബജറ്റിലായിരിക്കും ഇനി മോഹന്‍ലാല്‍ സിനിമകള്‍ രൂപം കൊള്ളുക എന്നാണ് സൂചന. മോഹന്ലാലിന്റെ താരമൂല്യം ഏറ്റവും ഉയര്‍ന്ന സ്ഥിതിയില്‍ നില്‍ക്കുമ്പോള്‍ ബജറ്റിന്‍റെ കാര്യത്തിലുണ്ടാകുന്ന വര്‍ദ്ധന സ്വാഭാവികമാണെന്നും ട്രേഡ് അനലിസ്റ്റുകള്‍ വിലയിരുത്തുന്നു.
ബി ഉണ്ണികൃഷ്ണന്‍ സംവിധാനം ചെയ്യുന്ന സിനിമയുടെ ചെലവ് 30 കോടിക്ക് മുകളില്‍ പോകുമെന്നാണ് സൂചന. ഇന്ത്യയിലും വിദേശത്തും മോഹന്‍ലാല്‍ എന്ന താരത്തിനുള്ള സ്വീകാര്യത, ബജറ്റ് എത്ര അധികമായാലും വമ്പന്‍ ലാഭം നേടാന്‍ സഹായിക്കുമെന്നാണ് സംവിധായകരും നിര്‍മ്മാതാക്കളും കണക്കുകൂട്ടുന്നത്.
