ജീത്തു ജോസഫിന്‍റെ അടുത്ത മലയാള ചിത്രം പ്രഖ്യാപിച്ചു. 'ലൈഫ് ഓഫ് ജോസൂട്ടി' എന്നാണ് ചിത്രത്തിന്‍റെ പേര്. ദിലീപാണ് ചിത്രത്തിലെ നായകന്‍. മോഹന്‍ലാല്‍, കമല്‍ഹാസന്‍ തുടങ്ങിയ മഹാനടന്‍‌മാരെ സംവിധാനം ചെയ്തതിന് ശേഷം ജീത്തു വീണ്ടും ദിലീപിലേക്ക് മടങ്ങിയെത്തിയിരിക്കുകയാണ്.
ജോജു, സുരാജ് വെഞ്ഞാറമൂട്, ചെമ്പന്‍ വിനോദ് ജോസ്, ഹരീഷ് പേരടി, ധര്‍മ്മജന്‍ ബോള്‍ഗാട്ടി തുടങ്ങിയവരും ലൈഫ് ഓഫ് ജോസൂട്ടിയുടെ ഭാഗമാകുന്നു. തൊടുപുഴ, ഇടുക്കി, കട്ടപ്പന എന്നിവിടങ്ങളിലായി ആദ്യ ഷെഡ്യൂളും ന്യൂസിലാന്‍ഡില്‍ രണ്ടാം ഷെഡ്യൂളും പൂര്‍ത്തിയാകും. ഡിസംബര്‍ മധ്യത്തിലാണ് ചിത്രീകരണം ആരംഭിക്കുന്നത്.
