ചിത്രത്തില്‍ സൌബിന്‍ ഷാഹിര്‍ പറയുന്ന ഒരു ഡയലോഗാണ് വിവാദമായിരിക്കുന്നത്. “ഞാന്‍ ലാലേട്ടന്‍റെ ഫാനാ. കാരണം മമ്മുക്ക എല്ലാ ടൈപ്പ് വേഷവും ചെയ്യും. പൊലീസ്, രാജാവ്, പൊട്ടന്‍ എല്ലാം... പക്ഷേ ലാലേട്ടന്‍ നായര്‍, മേനോന്‍, പ്രമാണി ഇതുവിട്ടൊരു കളിയില്ല” - എന്ന ഡയലോഗാണ് മോഹന്‍ലാല്‍ ആരാധകരെ ചൊടിപ്പിച്ചിരിക്കുന്നത്. ആഷിക് അബുവിന്‍റേ സോഷ്യല്‍ മീഡിയ പേജില്‍ മോഹന്‍ലാല്‍ ആരാധകര്‍ പൊങ്കാലയിടുകയാണ്.
ആഷിക് അബുവിനെയും പ്രതികരിക്കുന്ന മോഹന്‍ലാല്‍ ഫാന്‍സിനെയും കളിയാക്കിക്കൊണ്ടുള്ള ട്രോളുകളും ഇഷ്ടം പോലെ വരുന്നുണ്ട്. മോഹന്‍ലാലിനും കമല്‍ഹാസനുമൊക്കെ സോഷ്യല്‍ മീഡിയ വഴിയും സിനിമ വഴിയുമൊക്കെ ഇതുപോലെ കളിയാക്കുന്ന ആഷിക് അബു മമ്മൂട്ടിക്കിട്ടും പണികൊടുത്തു എന്നാണ് ഒരു ട്രോളില്‍ പറയുന്നത്. ഡാഡി കൂള്‍, ഗാംഗ്സ്റ്റര്‍ എന്നീ സിനിമകള്‍ ചെയ്താണ് ആഷിക് അബു മമ്മൂട്ടിക്ക് പണി കൊടുത്തതത്രേ!
