മലയാള സിനിമയുടെ പ്രധാന ചർച്ചാവിഷയം മോഹൻലാലിന്റെ രണ്ടാ‌മൂഴമാണ്. എംടി വാസുദേവൻ നായരുടെ തിരക്കഥയിൽ ഒരുങ്ങുന്ന ബ്രഹ്മാണ്ഡ ചിത്രം. എന്നാൽ, ഇതിനുമുമ്പ് മലയാള സിനിമയെ ആകാംക്ഷയുടെ മുൾമുനയിൽ നിർത്തിയത് മമ്മൂട്ടിയുടെയും പൃഥ്വിരാജിന്റേയും കർണന്മാർ ആയിരുന്നു.
എന്നാൽ, ഇതിനിടക്കാണ് അദ്ദേഹത്തിന് ഡയബറ്റീസിന്റെ അസുഖമുണ്ടാകുന്നത്. ആശുപത്രി വാസം കഴിഞ്ഞാൽ ചർച്ച തുടങ്ങാമെന്നും തിരക്കഥ എഴുത്ത് ആരംഭിക്കാമെന്നുമായിരുന്നു എംടി ശ്രീകുമാറിനോട് പറഞ്ഞത്. എന്നാൽ, 1994 കാലഘട്ടത്തിൽ വിതരണക്കാരനുമായി ബന്ധപ്പെട്ട് നിർമാതാവിന് സ്വൽപ്പം കല്ലുകടി ഉണ്ടാകുകയും എംടി ചിത്രത്തിൽ നിന്നും പിന്മാറുകയും ചെയ്തുവത്രേ.
എംടി പിന്മാറിയതോടൊപ്പം അഡ്വാൻസും അദ്ദേഹം തിരികെ നൽകി. എന്നാൽ, കർണൻ ഉപേക്ഷിക്കാൻ ശ്രീകുമാറിന് ഉദ്ദേശമുണ്ടായിരുന്നില്ല. എംടിയുടെ നിർദേശ പ്രകാരമാണ് പി ശ്രീകുമാര്‍ കര്‍ണന്റെ തിരക്കഥ രചനയിലേക്ക് കടക്കുന്നത്. ശ്രീകുമാറിന് ഭംഗിയായി തിരക്കഥ എഴുതാനാകുമെന്ന് പറഞ്ഞ എംടി കുറച്ച് പുസ്തകങ്ങളും ശ്രീകുമാറിന് നിര്‍ദേശിച്ചു.
