ഇത് മമ്മൂട്ടിക്കോ മോഹന്‍ലാലിനോ പൃഥ്വിരാജിനോ ഇതുവരെ കഴിഞ്ഞിട്ടില്ലാത്ത വിജയമാണ്. ഒരു മലയാളചിത്രം ഇത്രയധികം നാള്‍ ചെന്നൈയില്‍ പ്രദര്‍ശിപ്പിക്കുക എന്നത്. മമ്മൂട്ടിയുടെ സി ബി ഐ ഡയറിക്കുറിപ്പും ബല്‍‌റാമുമൊക്കെ ഏറെനാള്‍ പ്രദര്‍ശിപ്പിച്ചു എങ്കിലും ഇങ്ങനെയൊരു സംഭവം ആദ്യമാണ്. നിവിന്‍ പോളിയുടെ ‘പ്രേമം’ എന്ന ചിത്രം 230 ദിവസം പിന്നിട്ടും യാത്ര തുടരുന്നു!
ചെന്നൈയിലെ എസ്കേപ്പ് സിനിമാസില്‍ ഈ സിനിമയുടെ പ്രദര്‍ശനം കഴിഞ്ഞ ദിവസം അവസാനിപ്പിക്കാനിരുന്നതാണ്. എന്നാല്‍ പ്രേക്ഷകരുടെ തള്ളിക്കയറ്റം കാരണം തിയേറ്ററുകാര്‍ക്ക് തീരുമാനം മാറ്റേണ്ടിവന്നു. പ്രേമത്തിന്‍റെ പ്രദര്‍ശനം തുടരും. ഇനിയും എത്രനാള്‍ ഈ ചിത്രം ചെന്നൈയിലുണ്ടാകുമെന്ന് പറയാനും തിയേറ്ററുകാര്‍ക്ക് കഴിയുന്നില്ല.
പ്രേമം തമിഴിലേക്ക് റീമേക്ക് ചെയ്യാന്‍ പല പ്രമുഖ സംവിധായകരും ശ്രമിച്ചതാണ്. എന്നാല്‍ ദയവുചെയ്ത് റീമേക്ക് ചെയ്യരുതെന്ന് തമിഴ് പ്രേക്ഷകര്‍ തന്നെയാണ് അഭ്യര്‍ത്ഥിക്കുന്നത്. അവര്‍ക്ക് ഈ ഒറിജിനല്‍ അത്രയ്ക്ക് ഇഷ്ടമായിരിക്കുന്നു. അതുകൊണ്ടുതന്നെ പ്രേമത്തിന് ഒരു തമിഴ് റീമേക്ക് ഉണ്ടായിരിക്കില്ലെന്നാണ് റിപ്പോര്‍ട്ടുകള്‍. തെലുങ്ക് റീമേക്കിന്‍റെ ചിത്രീകരണം പുരോഗമിക്കുന്നുണ്ട്.
