മോഹന്ലാലിന്റെ ‘വില്ലന്‍’ ചിത്രീകരണം അവസാനഘട്ടത്തിലേക്ക് കടക്കുകയാണ്. മൂന്നാമത്തെയും അവസാനത്തെയും ഷെഡ്യൂളിന്‍റെ ഷൂട്ടിംഗ് ആരംഭിച്ചു. അവസാനഘട്ട ഷൂട്ടിംഗില്‍ തമിഴ് താരങ്ങളായ ഹന്‍സിക, വിശാല്‍ തുടങ്ങിയവര്‍ അഭിനയിക്കുന്നുണ്ട്.
ജൂലൈ 21നാണ് ചിത്രത്തിന്‍റെ റിലീസ് ഡേറ്റ് പ്രഖ്യാപിച്ചിരിക്കുന്നത്. ഇനി 10 ശതമാനം ചിത്രീകരണമാണ് ബാക്കിയുള്ളത്. ബി ഉണ്ണികൃഷ്ണന്‍ സംവിധാനം ചെയ്യുന്ന നാലാമത്തെ മോഹന്‍ലാല്‍ ചിത്രമാണ് വില്ലന്‍. മാടമ്പി, ഗ്രാന്‍‌ഡ്‌മാസ്റ്റര്‍, മിസ്റ്റര്‍ ഫ്രോഡ് എന്നിവയാണ് മറ്റ് മൂന്ന് ചിത്രങ്ങള്‍.
മലയാളത്തില്‍ ഇതുവരെ ഉണ്ടായിട്ടില്ലാത്ത രീതിയിലുള്ള വൈഡ് റിലീസാണ് അണിയറ പ്രവര്‍ത്തകര്‍ ഈ സിനിമയ്ക്കായി ആലോചിക്കുന്നത്. ബാഹുബലി2, പുലിമുരുകന്‍ എന്നീ ചിത്രങ്ങളുടേതിനേക്കാള്‍ വലിയ റിലീസായിരിക്കും ഈ സിനിമയ്ക്ക് കേരളത്തില്‍ ഉണ്ടാവുക.
