‘ഊമപ്പെണ്ണിന് ഉരിയാടാപ്പയ്യന്‍’ എന്ന സിനിമ ആലോചിച്ചുകൊണ്ടിരിക്കുന്ന സമയമാണ്. ദിലീപിനെ നായകനാക്കി പടം ചെയ്യാനായിരുന്നു പ്ലാന്‍. കലൂര്‍ ഡെന്നിസിനെയാണ് തിരക്കഥാകൃത്തായി തീരുമാനിച്ചത്. എന്നാല്‍ ഡെന്നിസിനെ മാറ്റണമെന്ന് ദിലീപിന് ഒരേ നിര്‍ബന്ധം. ഡെന്നിസ് എഴുതിയാല്‍ സിനിമ പൊട്ടുമെന്നാണ് ദിലീപ് വാദിക്കുന്നത്.
എന്നാല്‍ കലൂര്‍ ഡെന്നിസിനെ ഒഴിവാക്കാന്‍ പറ്റില്ലെന്നും അഡ്വാന്‍സ് നല്‍കിക്കഴിഞ്ഞെന്നും വിനയന് പറഞ്ഞു. എങ്കില്‍ ഡെന്നിസിന്‍റെ പേര് വയ്ക്കാന്‍ പാടില്ലെന്നായി ദിലീപ്. അത്രയുമായപ്പോള്‍ വിനയന് മടുത്തു. നമുക്ക് ഒരുമിച്ച് മറ്റൊരു പടം ചെയ്യാമെന്നും ഈ സിനിമ കലൂര്‍ ഡെന്നിസ് തന്നെ എഴുതുമെന്നും വിനയന് വെട്ടിത്തുറന്നുപറഞ്ഞു.
