ചാർലി ഒരു തേടിപ്പോകലാണ്. പ്രണയത്തെ തേടിയുള്ള യാത്ര. കഥകളിൽ കൂടി കേട്ടുകേഴ്വി മാത്രമുള്ള നായകനെ തേടി നായിക നടത്തുന്ന യാത്ര. ടെസ്സയെന്ന യുവതി നടത്തുന്ന യാത്ര. എന്നാൽ, ഇടയ്ക്ക് വെച്ച് പ്രേക്ഷകരും ആ യാത്രയുടെ പങ്കാളിയാകുന്നു. 2015ൽ ദുൽഖർ നായകനായ 'ചാർലി'യെന്ന സിനിമയെ കുറിച്ച് ചോദിച്ചാൽ എല്ലാവരും പറയുന്നത് ഇതൊക്കെ തന്നെയാണ്.
ചിത്രം തമിഴിലേക്ക് റീമേക്ക് ചെയ്യുകയാണ്. നായകൻ - മാധവൻ. നായിക - മലയാ‌ളികളുടെ സ്വന്തം മലർ! സായി പല്ലവി. പാർവതി തകർത്ത ടെസ്സയായി സായി ഇനി ക്യാമറയ്ക്ക് മുന്നിലെത്തും. എ എൽ വിജയ് ആണ് ചാർലി തമിഴിലേക്ക് സംവിധാനം ചെയ്യുന്നത്. തമിഴ് സിനിമയുടെ ശൈലിയിൽ തിരക്കഥയിൽ ചില മാറ്റങ്ങ‌ളൊക്കെ വരുത്തിയാണ് ചാർലി തമിഴിലേക്ക് റീമേക്ക് ചെയ്യുന്നതെന്ന് നിർമാതാവ് പറയുന്നു.
