ജി മാര്‍ത്താണ്ഡന്‍ സംവിധാനം ചെയ്യുന്ന പുതിയ ചിത്രത്തില്‍ ഫഹദ് ഫാസില്‍ നായകനാകുന്നു. ‘വെള്ളിമൂങ്ങ’ എന്ന മെഗാഹിറ്റ് സിനിമ എഴുതിയ ജോജി തോമസ് ആണ് ഈ സിനിമയുടെ തിരക്കഥയെഴുതുന്നത്. പൂര്‍ണമായും ഒരു കോമഡി എന്‍റര്‍ടെയ്നറായിരിക്കും ഈ ചിത്രം.
കണ്ണൂര്‍ പശ്ചാത്തലമാക്കിയാണ് ഈ സിനിമയുടെ കഥ പുരോഗമിക്കുന്നത്. ‘ഒരു ഇന്ത്യന്‍ പ്രണയകഥ’യ്ക്കും മഹേഷിന്‍റെ പ്രതികാരത്തിനും ശേഷം ഫഹദ് ഫാസില്‍ അഭിനയിക്കുന്ന കോമഡിച്ചിത്രമായിരിക്കും ഇത്.
ദൈവത്തിന്‍റെ സ്വന്തം ക്ലീറ്റസ്, അഛാ ദിന്‍, പാവാട എന്നീ സിനിമകള്‍ക്ക് ശേഷം മാര്‍ത്താണ്ഡന്‍ സംവിധാനം ചെയ്യുന്ന ചിത്രമാണിത്. മമ്മൂട്ടിയോ പൃഥ്വിരാജോ അല്ലാതെ ഒരാള്‍ മാര്‍ത്താണ്ഡന്‍റെ സിനിമയില്‍ നായകനാകുന്നത് ആദ്യമായാണ്.