പ്രമുഖ മാധ്യമപ്രവർത്തകനായ സച്ചില്‍ കല്‍ബര്‍ഗിന്റെ ട്വീറ്റാണ് ഇപ്പോള്‍ ഈ വിഷയവുമായി ബന്ധപ്പെട്ട് ചർച്ചയാകുന്നത്. ഒരു മാധ്യമപ്രവർത്തകയോട് പ്രതികാരം തീര്‍ക്കാനായി മണിക്കൂറുകളോളം അവരെ വെയിലത്ത് നിര്‍ത്തുകയും തുടര്‍ന്ന് അവരുടെ മുന്നില്‍ നിന്നും അഞ്ച് അടിമാത്രം അകലെപോയി അവര്‍ക്ക് മുന്നില്‍ മൂത്രമൊഴിച്ച നടനെക്കുറിച്ചുമാണ് സച്ചിന്റെ ട്വീറ്റുകള്‍.
സിനിമാ നിരൂപണത്തില്‍ ദേശീയ അവാര്‍ഡ് നേടിയ ഒരു പത്രപ്രവർത്തക ഇപ്പോള്‍ വാര്‍ത്തകളില്‍ നിറഞ്ഞുനില്‍ക്കുന്ന പ്രമുഖ നടനെ അഭിമുഖം ചെയ്യാനായി പോയിരുന്നു. നേരത്തെ ആ നടന്റെ ചില ചിത്രങ്ങളെ വിമര്‍ശിച്ചുകൊണ്ട് നിരൂപണം എഴുതിയ വ്യക്തിയായിരുന്നു അവര്‍. അതിനുള്ള പ്രതികാരമായാണ് നടന്‍ ഇത്തരത്തില്‍ പ്രതികരിച്ചതെന്നും ട്വീറ്റില്‍ പറയുന്നു. ഈ പ്രവർത്തി കണ്ട മാധ്യമപ്രവർത്തക അവിടെ നിന്ന് ഇറങ്ങിപോകുകയായിരുന്നെന്നും ട്വീറ്റില്‍ പറയുന്നു.
