മോഹന്‍‌രാജ തന്‍റെ അടുത്ത ചിത്രത്തിന്‍റെ പണിപ്പുരയിലാണ് ഇപ്പോള്‍. നായകനാവുന്നത് ശിവ കാര്‍ത്തികേയന്‍. ചിത്രത്തില്‍ വില്ലനായി പല താരങ്ങളെയും മോഹന്‍‌രാജ പരിഗണിച്ചു. അരവിന്ദ് സ്വാമി തനി ഒരുവനില്‍ ചെയ്തതിന് മുകളില്‍ നില്‍ക്കുന്ന ഒരു വില്ലന്‍ കഥാപാത്രത്തെയാണ് മോഹന്‍‌രാജ പ്രതീക്ഷിക്കുന്നത്. അന്വേഷണം ഒടുവില്‍ മലയാളത്തിന്‍റെ സ്വന്തം ഫഹദ് ഫാസിലില്‍ എത്തിനിന്നു!
അതേ, ഫഹദ് ഫാസില്‍ ആദ്യമായി തമിഴ് ചിത്രത്തില്‍ അഭിനയിക്കുന്നു. ശിവ കാര്‍ത്തികേയന്‍റെ വില്ലനായി ഫഹദ് എത്തുന്ന ചിത്രത്തിന് പേര് നിശ്ചയിച്ചിട്ടില്ല. നയന്‍‌താരയാണ് ഈ സിനിമയില്‍ നായികയായി എത്തുന്നത്. തനി ഒരുവനിലും നയന്‍‌സായിരുന്നു നായിക.
