സെറ്റ് സാരിയും തുളസിമാലയുമായി സിന്ദൂരവും തൊട്ട് ചിരിച്ചു നില്‍ക്കുന്ന താരത്തിന്റെ ഫോട്ടോയാണ് ഇപ്പോള്‍ വൈറലാകുന്നത്. നടന്‍ മുരളിയുമായി അന്‍സിബയുടെ വിവാഹം കഴിഞ്ഞുവെന്നാണ് ഇപ്പോള്‍ സോഷ്യല്‍ മീഡിയയിലെ പ്രചരണം. ഷൈജു സുകുമാരന്‍ നാടാര്‍ റൈറ്റ് തിങ്കേഴ്‌സ് എന്നഫേസ്ബുക്ക് ഗ്രൂപ്പിലാണ് അന്‍സിബയുടെ വിവാഹ ഫോട്ടോ പോസ്റ്റ് ചെയ്തത്.
വര്‍ഷങ്ങള്‍ക്ക് മുന്‍പ് അഭിനയിച്ച ലൗ മേറ്റ്‌സ് എന്ന ഷോര്‍ട്ട് ഫിലിമിലെ ഒരു സീനെടുത്താണ് വിവാഹ ഫോട്ടോയെന്ന തരത്തില്‍ പ്രചരിപ്പിച്ചത്. വിവാഹ വാര്‍ത്തയെന്ന തരത്തില്‍ ഫേസ്ബുക്കിലൂടെ ഫോട്ടോ പ്രചരിപ്പിച്ച ഷൈജു സുകുമാരനുള്ള മറുപടി താരം ഫേസ്ബുക്കില്‍ പോസ്റ്റ് ചെയ്തിട്ടുണ്ട്. ഷോര്‍ട്ട് ഫിലിമില്‍ അഭിനയിച്ച ആള്‍ക്കൊപ്പമുള്ള ഫോട്ടോ വെച്ച് താന്‍ വിവാഹിതയായി എന്ന് നിങ്ങള്‍ക്കെങ്ങനെ പോസ്റ്റ് ഇടാന്‍ കഴിഞ്ഞുവെന്ന് താരം ചോദിക്കുന്നു.
