തെലുങ്ക് സിനിമാലോകത്ത് ഒരു കടുത്ത മോഹന്‍ലാല്‍ ആരാധകനുണ്ട്. അത് മറ്റാരുമല്ല, ഇന്ത്യന്‍ സിനിമയിലെ തന്നെ നമ്പര്‍ വണ്‍ സംവിധായകനായ എസ് എസ് രാജമൌലി. മോഹന്‍ലാലിനെ നായകനാക്കി ഒരു സിനിമ ചെയ്യുക എന്ന രാജമൌലിയുടെ ഏറ്റവും വലിയ മോഹമാണ്.
എന്തായാലും ഇപ്പോള്‍ മോഹന്‍ലാല്‍ ഒരു ചിത്രം തന്‍റെ ഫേസ്ബുക്ക് പേജില്‍ പോസ്റ്റ് ചെയ്തത് വലിയ ചര്‍ച്ചകള്‍ക്ക് കാരണമായിരിക്കുകയാണ്. രാജമൌലിയും മോഹന്‍ലാലും ഒരുമിച്ച് നില്‍ക്കുന്ന ചിത്രമാണ് ലാലേട്ടന്‍ പോസ്റ്റ് ചെയ്തിരിക്കുന്നത്. സമീപ ദിവസങ്ങളിലെന്നോ എടുത്ത സ്റ്റില്ലെന്ന് ഇരുവരുടെയും ലുക്കുകള്‍ തെളിയിക്കുന്നു.
