'നടി പത്മപ്രിയ എന്റെ അടുത്ത സുഹൃത്താണ്. അവര്‍ വഴിയാണ് മമ്മൂട്ടിയെ കാണാന്‍ അവസരം ലഭിക്കുന്നത്. പാലക്കാട് ഷൂട്ടിങ് ലൊക്കേഷനില്‍ പോയാണ് മമ്മൂട്ടിയെ കാണുന്നത്. സിനിമയെക്കുറിച്ച്‌ പറഞ്ഞ് കേള്‍പ്പിച്ചതും അദ്ദേഹം ചെയ്യാമെന്ന് സമ്മതിച്ചു. മമ്മൂട്ടി നോ പറഞ്ഞിരുന്നുവങ്കില്‍ ചിലപ്പോള്‍ ഈ സിനിമയേ ഉണ്ടാവുമായിരുന്നില്ല.'
ഇതേക്കുറിച്ച് ഒരു അഭിമുഖത്തിൽ പത്മപ്രിയ പറഞ്ഞതും ഇതു തന്നെയായിരുന്നു. ‘പേരൻപിനെ കുറിച്ച് റാം പറഞ്ഞപ്പോൾ തന്നെ ഓർമ വന്നത് മമ്മൂട്ടിയുടെ മുഖമാണ്. പക്ഷേ, ചിത്രത്തിലേക്ക് അദ്ദേഹത്തെ കിട്ടാൻ വളരെ ബുദ്ധിമുട്ടാണെന്ന് ഒരിക്കൽ റാം പറഞ്ഞു. ഈ കഥാപാത്രം മമ്മൂട്ടിക്ക് മാത്രമേ കഴിയൂ എന്നെനിക്കും ഉറപ്പുണ്ടായിരുന്നു. അങ്ങനെ ഞാൻ ഇക്കാര്യം സൂചിപ്പിച്ച് അദ്ദേഹത്തിന് ഒരു മെസെജ് അയച്ചു.’
