എല്‍ ഡി എഫ് അധികാരത്തിലെത്തുന്നതിന് മുമ്പുതന്നെ മന്ത്രിസ്ഥാനത്തേക്കുറിച്ച് തോമസ് ചാണ്ടി പറഞ്ഞ ചില പരാമര്‍ശങ്ങളാണ് ഇപ്പോള്‍ അദ്ദേഹത്തിന് വിനയാകുന്നതെന്നാണ് സൂചന. മാത്രമല്ല, ഗോവയില്‍ എന്‍ സി പി ബി‌ജെ‌പിയെ പിന്തുണയ്ക്കുന്നതും സി പി എമ്മിന്‍റെ അതൃപ്തിക്ക് കാരണമായിട്ടുണ്ട്.
തോമസ് ചാണ്ടിയെ തള്ളി ശശീന്ദ്രനേപ്പോലെ ക്ലീന്‍ ഇമേജുള്ള ഒരാളെ മന്ത്രിയാക്കാന്‍ സി പി എം തന്നെയാണ് ആദ്യം മുന്‍‌കൈയെടുത്തത്. എന്നാല്‍ അശ്ലീലസംഭാഷണം നടത്തിയെന്ന ആരോപണത്തെ തുടര്‍ന്ന് മന്ത്രിസ്ഥാനം ശശീന്ദ്രന് നഷ്ടമായ സാഹചര്യത്തില്‍ കുട്ടനാട് എം എല്‍ എ ആയ തോമസ് ചാണ്ടിയെ മന്ത്രിസഭയിലെടുക്കാന്‍ സമ്മര്‍ദ്ദമേറും. തല്‍ക്കാലം ആ സമ്മര്‍ദ്ദത്തിന് വഴങ്ങേണ്ടതില്ലെന്നാണ് സി പി എം തീരുമാനം.
