ആവശ്യം അംഗീകരിച്ചില്ല; ഭര്‍ത്താവ് ഭാര്യയുടെ ജനനേന്ദ്രിയം ഛേദിച്ചു - യുവതി ഗുരുതരാവസ്ഥയില്‍
സ്വര്‍ണ കമ്മലിന്റെ പേരിലുണ്ടായ തര്‍ക്കത്തിനൊടുവില്‍ ഭര്‍ത്താവ് ഭാര്യയുടെ ജനനേന്ദ്രിയം മുറിച്ചു. പാകിസ്ഥാനിലെ ദേര ഗാസി ഖാന്‍ മേഖലയിലാണ് സംഭവം. ഗുരുതരമായി പരുക്കേറ്റ യുവതി ചികിത്സയിലാണ്. പെണ്‍കുട്ടിയുടെ വീട്ടുകാര്‍ നല്‍കിയ പരാതിയുടെ അടിസ്ഥാനത്തില്‍ ഭര്‍ത്താവിനെ പൊലീസ് അറസ്റ്റു ചെയ്തു.
കുട്ടികളില്ലാതിരുന്ന യുവതിയും ഭര്‍ത്താവും തമ്മില്‍ വഴക്ക് പതിവായിരുന്നു. കുട്ടി ജനിക്കാത്തതിനെ ചൊല്ലി ഇരുവരും തമ്മില്‍ വഴക്ക് രൂക്ഷമായിരുന്നു. സംഭവ ദിവസം ഭാര്യയുടെ സ്വര്‍ണ കമ്മല്‍ ഇയാള്‍ ആവശ്യപ്പെട്ടു. സ്വര്‍ണം നല്‍കാന്‍ ഒരുക്കമല്ലെന്ന് യുവതി വ്യക്തമാക്കിയതോടെയാണ് ക്രൂരമായ സംഭവമുണ്ടായത്.
മുറിയില്‍ പൂട്ടിയിട്ട ശേഷം യുവതിയെ ക്രൂരമായി മര്‍ദ്ദിക്കുകയും തുടര്‍ന്ന് ഭര്‍ത്താവ് ജനനേന്ദ്രിയം ഛേദിക്കുകയായിരുന്നു. യുവതിയുടെ നിലവിളി ശക്തമായതോടെ ബന്ധുക്കള്‍ വീട്ടില്‍ എത്തി മുറി തുറന്നപ്പോഴാണ് സംഭവം വ്യക്തമായത്. പരുക്കേറ്റ യുവതിയെ അവരുടെ പിതാവും അമ്മാവനും ചേര്‍ന്ന് ആശുപത്രിയില്‍ എത്തിക്കുകയായിരുന്നു.
