കൂടോത്രം ചെയ്യുന്നതായി സംശയം; പതിനേഴുകാരൻ അമ്മായിയെ വെട്ടിക്കൊലപ്പെടുത്തി

കൂടോത്രം ചെയ്തെന്നാരോപിച്ച് അമ്മായിയെ വെട്ടിക്കൊന്ന് പതിനേഴുകാരൻ. ഒഡീഷയിലെ കിയോജർ ജില്ലയിലെ ഗായൽമുണ്ടയിലാണ് സംഭവം. വീടിന് സമീപം പൂജകൾ ചെയ്തെന്നാരോപിച്ചാണ് കൊലപാതകം. ജിൻകി പൂർത്തി എന്ന സ്ത്രീയാണ് കൊല്ലപ്പെട്ടത്. തന്റെ കുടുംബത്തിന് എതിരെ ഇവർ മന്ത്രവാദം ചെയ്യുന്നു എന്ന് ഈ കുട്ടി നേരത്തെ ആരോപിച്ചിരുന്നു.

സ്ത്രീയെ അരിവാളുപയോഗിച്ച് വെട്ടിക്കൊലപ്പെടുത്തുകയായിരുന്നു. പാടത്ത് പണിയെടുത്ത് മടങ്ങുകയായിരുന്നു സ്ത്രീ. ഇവർ മരിച്ചു എന്ന് ഉറപ്പാക്കിയ ശേഷം പ്രതി തന്നെ പൊലീസിനു കീഴടങ്ങുകയായിരുന്നു.