അച്ഛന്റെ വിമര്‍ശനം വികാരപരമെന്ന് യുവരാജ് സിംഗ്
ഇന്ത്യന്‍ ക്രിക്കറ്റ് നായകന്‍ മഹേന്ദ്ര സിംഗ് ധോണിക്കെതിരെയുള്ള തന്റെ പിതാവിന്‍റെ പരാമര്‍ശങ്ങള്‍ വികാരപരമെന്ന് യുവരാജ് സിംഗ്. ധോണിക്കു കീഴില്‍ കളിച്ച മല്‍സരങ്ങള്‍ ആസ്വദിച്ചിരുന്നെന്നും യുവരാജ് പറഞ്ഞു. നേരത്തെ ലോകകപ്പ് ക്രിക്കറ്റ് ടീമില്‍ യുവരാജിനെ ഉള്‍പ്പെടുത്താത്തതിനു കാരണം ധോണിയാണെന്ന് യുവരാജ് സിംഗിന്റെ പിതാവ് യോഗ് രാജ് സിംഗ് ആരോപിച്ചിരുന്നു.
ധോണിക്ക് യുവരാജുമായുള്ള പ്രശ്നങ്ങളെന്തെന്ന് അറിയില്ലെന്നും തന്റെ മകന്‍ കാന്‍സറുമായി മല്ലടിച്ചപ്പോള്‍പോലും രാജ്യത്തിനുവേണ്ടി കളിച്ചയാളാണെന്നും അദ്ദേഹം പറഞ്ഞിരുന്നു.
രഞ്ജി ട്രോഫിയില്‍ മികച്ച പ്രകടനം കാഴ്ചവെച്ചെങ്കിലും യുവരാ‍ജിന് ലോകകപ്പ് ടീമില്‍ ഇടം കണ്ടെത്താന്‍ സാധിച്ചിരുന്നില്ല. അതിനിടെ ഇന്ത്യന്‍ പ്രീമിയര്‍ ലീഗ് താരലേലത്തില്‍ യുവരാജ് സിംഗിനെ 16 കോടിരൂപയ്ക്ക് ഡല്‍ഹി ഡെയര്‍ഡെവിള്‍സ് സ്വന്തമാക്കി.
