“കുഴപ്പിക്കുന്ന ഒരു ചോദ്യമാണിത്. വിരാട് കോഹ്‌ലിയും രോഹിത് ശര്‍മ്മയും ഉഗ്രന്‍ കളിക്കാരാണ്. ഇരുവരും മാച്ച് വിന്നേഴ്സുമാണ്. അവര്‍ ക്ലാസ് കളിക്കാരാണ്, അവരുടെ കളിയുടെ മഹത്വം അവര്‍ സ്ഥാപിച്ചിട്ടുള്ള റെക്കോര്‍ഡുകളില്‍ നിന്ന് വ്യക്തവുമാണ്. അതിഗംഭീരമായ പ്രതിഭയുള്ള വ്യക്തിയാണ് രോഹിത് ശര്‍മ. കഠിനാധ്വാനം ചെയ്ത് ഏത് തലം വരെയും പോകാന്‍ മടിയില്ലാത്തയാളാണ് വിരാട് കോഹ്‌ലി” - ഹര്‍ഭജന്‍ പറയുന്നു.
“ഒരുപക്ഷേ, രോഹിത് ശര്‍മയോളം പ്രതിഭയും കഴിവുമില്ലാത്ത കളിക്കാരനായിരിക്കും കോഹ്‌ലി. പക്ഷേ കോഹ്‌ലിയുടെ കഠിനാധ്വാനവും പാഷനുമാണ് അദ്ദേഹത്തെ ഇന്നത്തെ സ്ഥാനത്ത് എത്തിച്ചിരിക്കുന്നത്. അതുകൊണ്ടുതന്നെ ആരാണ് ഏറ്റവും മികച്ച ബാറ്റ്സ്മാന് എന്ന് പറയുക ബുദ്ധിമുട്ടാണ്. രണ്ടുപേരും ഇന്ത്യയ്ക്ക് വേണ്ടിയാണ് കളിക്കുന്നത് എന്നതാണ് പ്രധാനം” - ഹര്‍ഭജന്‍ വ്യക്തമാക്കി.
