ന്യൂസിലന്‍ഡിനെതിരായ വനിതാ ഏകദിനത്തില്‍ നേടിയ സെഞ്ചുറിയോടെ ചരിത്രനേട്ടം സ്വന്തമാക്കി ഇന്ത്യന്‍ ക്യാപ്റ്റന്‍ സ്മൃതി മന്ദാന. താരത്തിന്റെ സെഞ്ചുറി പ്രകടനത്തിന്റെ മികവില്‍ മൂന്നാം ഏകദിനവും ഒപ്പം പരമ്പരയും ഇന്ത്യ സ്വന്തമാക്കിയിരുന്നു. സെഞ്ചുറിയോടെ വനിതാ ഏകദിനത്തില്‍ ഇന്ത്യയ്ക്കായി ഏറ്റവും കൂടുതല്‍ സെഞ്ചുറി നേടുന്ന താരമായി സ്മൃതി മന്ദന മാറി. 7 സെഞ്ചുറികള്‍ നേടിയിരുന്ന മുന്‍ ഇന്ത്യന്‍ ക്യാപ്റ്റനും ഇതിഹാസതാരവുമായ മിതാലി രാജിന്റെ റെക്കോര്‍ഡാണ് സ്മൃതി മറികടന്നത്.
