Ind W vs Ireland W: പ്രതികയും സ്മൃതിയും അടിയോടടി, 25 ഓവറിൽ 200 കടന്ന് ഇന്ത്യ, സ്മൃതി മന്ദാനയ്ക്ക് പത്താം സെഞ്ചുറി
70 പന്തില്‍ നിന്നായിരുന്നു സ്മൃതിയുടെ സെഞ്ചുറി. ഇതോടെ ഏറ്റവും വേഗത്തില്‍ സെഞ്ചുറി സ്വന്തമാക്കിയ ഇന്ത്യന്‍ വനിതാ താരമെന്ന റെക്കോര്‍ഡ് സ്മൃതി മന്ദാന സ്വന്തമാക്കി. 2024ല്‍ ദക്ഷിണാഫ്രിക്കയ്‌ക്കെതിരെ 87 പന്തില്‍ സെഞ്ചുറി നേടിയ ഹര്‍മന്‍ പ്രീത് കൗറിന്റെ റെക്കോര്‍ഡ് നേട്ടമാണ് സ്മൃതി മറികടന്നത്. 90 പന്തില്‍ ഓസീസിനെതിരെ സെഞ്ചുറി നേടിയ ഹര്‍മന്‍ പ്രീത് കൗര്‍ തന്നെയാണ് ഈ ലിസ്റ്റില്‍ മൂന്നാമതുള്ളത്. കഴിഞ്ഞ മത്സരത്തില്‍ അയര്‍ലന്‍ഡിനെതിരെ 90 പന്തില്‍ സെഞ്ചുറി നേടിയ ജെമീമ റോഡ്രിഗസും ലിസ്റ്റില്‍ മൂന്നാം സ്ഥാനത്താണ്.
