സമീപകാലത്തെ മികച്ച പ്രകടനങ്ങളിലൂടെ ഈ വര്‍ഷം ഇന്ത്യയില്‍ നടക്കാനിരിക്കുന്ന ഏകദിന ലോകകപ്പ് സ്‌ക്വാഡില്‍ സ്ഥാനം ഉറപ്പിച്ച് ശുഭ്മാന്‍ ഗില്‍. നായകന്‍ രോഹിത് ശര്‍മയ്‌ക്കൊപ്പം ഗില്‍ ആയിരിക്കും ഇന്ത്യയുടെ ഇന്നിങ്‌സ് ഓപ്പണ്‍ ചെയ്യുക. ശ്രീലങ്കയ്‌ക്കെതിരായ പരമ്പരയിലെ പ്രകടനങ്ങളും ന്യൂസിലന്‍ഡിനെതിരായ ആദ്യ ഏകദിനത്തിലെ ഇരട്ട സെഞ്ചുറിയുമാണ് ഗില്ലിന് ഏകദിന ലോകകപ്പിലേക്ക് വഴി തുറന്നത്.
വിരാട് കോലി, ശ്രേയസ് അയ്യര്‍, കെ.എല്‍.രാഹുല്‍, ഹാര്‍ദിക് പാണ്ഡ്യ എന്നിവരും ഏകദിന ലോകകപ്പിലേക്കുള്ള ഇന്ത്യന്‍ സ്‌ക്വാഡില്‍ സ്ഥാനം ഉറപ്പിച്ചു കഴിഞ്ഞു. ഇവര്‍ക്ക് പുറമേ സൂര്യകുമാര്‍ യാദവ്, അക്ഷര്‍ പട്ടേല്‍, മുഹമ്മദ് സിറാജ്, കുല്‍ദീപ് യാദവ് എന്നിവരും പരിഗണനയിലുണ്ട്.
