തന്നെ ട്വന്റി 20 ലോകകപ്പിനുള്ള ദേശീയ ടീമില്‍ ഉള്‍പ്പെടുത്താത്തതിനെച്ചൊല്ലി ഉയരുന്ന പ്രതിഷേധങ്ങളെ കുറിച്ച് പ്രതികരിച്ച് മലയാളി താരം സഞ്ജു സാംസണ്‍. ഇന്ത്യയുടെ കളി നടക്കുമ്പോള്‍ ആരും പ്രതിഷേധിക്കരുതെന്ന് സഞ്ജു പരോക്ഷമായി പറഞ്ഞു. കാര്യവട്ടത്ത് നടക്കാനിരിക്കുന്ന ഇന്ത്യ-ദക്ഷിണാഫ്രിക്ക മത്സരത്തിനിടെ ആരാധകര്‍ പ്രതിഷേധിച്ചേക്കുമെന്ന് നേരത്തെ വാര്‍ത്തകളുണ്ടായിരുന്നു. ഇതേ കുറിച്ച് പ്രതികരിക്കുകയായിരുന്നു സഞ്ജു.
