ഐപിഎല്ലില്‍ താരം വിരമിച്ചതിന് പിന്നാലെ 2019 ലോകകപ്പ് ടീമില്‍ നിന്നും അമ്പാട്ടി റായുഡുവിനെ ഒഴിവാക്കിയതിനെ പറ്റി മുന്‍ ഇന്ത്യന്‍ താരം അനില്‍ കുംബ്ലെ നടത്തിയ പരാമര്‍ശമാണ് ഇപ്പോള്‍ വീണ്ടും ചര്‍ച്ചയാകുന്നത്. 2018 ഐപിഎല്‍ പതിപ്പില്‍ 602 റണ്‍സും ആ വര്‍ഷം 21 ഏകദിനങ്ങളില്‍ നിന്നും 639 റണ്‍സും അമ്പാട്ടി റായുഡു നേടിയിരുന്നു. എന്നാല്‍ ലോകകപ്പിനുള്ള ഇന്ത്യയുടെ സ്‌ക്വാഡില്‍ നിന്നും അവസാന നിമിഷം താരം പുറത്താക്കുകയുമായിരുന്നു. ഇത് അന്നത്തെ കോച്ച് രവിശാസ്ത്രിയും നായകന്‍ വിരാട് കോലിയും നടത്തിയ അബദ്ധമാണെന്നാണ് അന്ന് കുംബ്ലെ വ്യക്തമാക്കിയത്.
