ഏഷ്യാകപ്പിനുള്ള ഇന്ത്യന്‍ ടീം ശ്രീലങ്കയിലേക്ക് യാത്ര തിരിച്ചപ്പോള്‍ പരിക്ക് മൂലം രാഹുല്‍ ടീമിനൊപ്പം ചേര്‍ന്നിരുന്നില്ല. എന്നാല്‍ പരിക്ക് സാരമുള്ളതല്ലെന്നും ഏഷ്യാകപ്പിലെ ആദ്യ 2 മത്സരങ്ങളില്‍ രാഹുല്‍ കളിക്കില്ലെന്നും ഇന്ത്യന്‍ പരിശീലകനായ രാഹുല്‍ ദ്രാവിഡ് നേരത്തെ വ്യക്തമാക്കിയിരുന്നു. ശനിയാഴ്ച പാകിസ്ഥാനെതിരെയും സെപ്റ്റംബര്‍ നാലിന് നേപ്പാളിനെതിരെയുമുള്ള മത്സരങ്ങളാകും രാഹുലിന് നഷ്ടമാകുക.സെപ്റ്റംബര്‍ നാലിന് ശേഷമെ ചാമ്പ്യന്‍ഷിപ്പില്‍ കെ എല്‍ രാഹുല്‍ കളിക്കുന്ന കാര്യത്തില്‍ അന്തിമ തീരുമാനമെടുക്കുക എന്നുമാണ് റിപ്പോര്‍ട്ട്.
