കളിയില്‍ ഇന്ത്യ ആധിപത്യം തുടരുകയാണ്. വെസ്റ്റ് ഇന്‍ഡീസിന്റെ ഒന്നാം ഇന്നിങ്‌സ് സ്‌കോറായ 162 ലേക്ക് ബാറ്റിങ് ആരംഭിച്ച ഇന്ത്യ രണ്ടാം ദിനം ഉച്ചഭക്ഷണത്തിനു പിരിയുമ്പോള്‍ മൂന്ന് വിക്കറ്റ് നഷ്ടത്തില്‍ 218 റണ്‍സ് നേടിയിട്ടുണ്ട്. ഇന്ത്യയുടെ ലീഡ് 56 റണ്‍സ്. രാഹുലിനൊപ്പം ധ്രുവ് ജുറല്‍ (38 പന്തില്‍ 14) ആണ് ക്രീസില്‍. അര്‍ധ സെഞ്ചുറി നേടിയ ശുഭ്മാന്‍ ഗില്ലിനെയാണ് (100 പന്തില്‍ 50) രണ്ടാം ദിനമായ ഇന്ന് ഇന്ത്യക്ക് നഷ്ടമായത്. യശസ്വി ജയ്‌സ്വാള്‍ (54 പന്തില്‍ 36), സായ് സുദര്‍ശന്‍ (19 പന്തില്‍ ഏഴ്) എന്നിവരെ ഇന്നലെ നഷ്ടമായിരുന്നു.
