സൂപ്പര്‍താരം എം.എസ്.ധോണി 2022 ഐപിഎല്ലില്‍ കളിച്ചേക്കില്ലെന്ന് റിപ്പോര്‍ട്ട്. 2021 സീസണ്‍ പൂര്‍ത്തിയാകുന്നതോടെ ധോണി ക്രിക്കറ്റിന്റെ എല്ലാ ഫോര്‍മാറ്റില്‍ നിന്നും വിരമിക്കല്‍ പ്രഖ്യാപിക്കാനാണ് സാധ്യത. എന്നാല്‍, തനിക്ക് ഏറെ പ്രിയപ്പെട്ട ഫ്രാഞ്ചൈസിയുമായുള്ള ബന്ധം ഉടന്‍ ഉപേക്ഷിക്കാന്‍ താരം തയ്യാറല്ലെന്നാണ് റിപ്പോര്‍ട്ട്. അടുത്ത സീസണ്‍ ആകുമ്പോഴേക്കും ധോണി ചെന്നൈ സൂപ്പര്‍ കിങ്‌സ് പരിശീലക സ്ഥാനത്തേക്ക് എത്താനാണ് സാധ്യത.
അതേസമയം, 2022ലെ ഐപിഎല്‍ സീസണിലേക്കുള്ള മെഗാലേലത്തിന്റെ നിബന്ധനകള്‍ ബിസിസിഐ പുറത്തിറക്കിയിട്ടുണ്ട്. 2021 സീസണിലെ ഐപിഎല്‍ പോരാട്ടം യുഎഇയില്‍ പുനരാരംഭിക്കാനിരിക്കെയാണ് മെഗാലേലത്തിന്റെ നിബന്ധനകള്‍ പുറത്തുവിട്ടത്.
