ഓപ്പണര്‍മാരായ കെ.എല്‍.രാഹുലും രോഹിത് ശര്‍മയും തുടക്കംമുതല്‍ തന്നെ അഫ്ഗാന്‍ ബൗളിങ് ആക്രമണത്തിനുമേല്‍ ആധിപത്യം പുലര്‍ത്തി. ഓപ്പണിങ് കൂട്ടുകെട്ട് 140 റണ്‍സ് എടുത്തു. 14.4 ഓവറില്‍ 140 റണ്‍സില്‍ നില്‍ക്കെയാണ് ഇന്ത്യയ്ക്ക് ആദ്യ വിക്കറ്റ് നഷ്ടമായത്. രോഹിത് ശര്‍മ മൂന്ന് സിക്‌സും എട്ട് ഫോറും സഹിതം 47 പന്തില്‍ 74 റണ്‍സ് നേടിയാണ് പുറത്തായത്. കെ.എല്‍.രാഹുല്‍ 48 പന്തില്‍ രണ്ട് സിക്‌സും ആറ് ഫോറും സഹിതം 69 റണ്‍സ് നേടി. അവസാന ഓവറുകളില്‍ ഹാര്‍ദിക് പാണ്ഡ്യ ( 13 പന്തില്‍ പുറത്താകാതെ 35), റിഷഭ് പന്ത് (13 പന്തില്‍ പുറത്താകാതെ 27) എന്നിവരും ആഞ്ഞടിച്ചു.
