വെറും 23 പന്തിൽ നിന്നും 4 സിക്സും 3 ഫോറുമടക്കം 48 റൺസുമായി തകർത്തടിച്ച റാഷിദ് ഖാൻ ഓസീസ് ആരാധകരുടെയും താരങ്ങളുടെയും മനസിൽ തീ കോരിയിട്ടുകൊണ്ടാണ് തകർത്തടിച്ചത്. ഓസീസ് വിജയിച്ചതോടെ സെമി കാണാതെ ശ്രീലങ്ക പുറത്തായി. നാളെ നടക്കുന്ന ഇംഗ്ലണ്ട് - ശ്രീലങ്ക മത്സരത്തിൽ ഇംഗ്ലണ്ട് വിജയിച്ചാൽ ഓസീസ് ടൂർണമെൻ്റിൽ പുറത്താകും. ശ്രീലങ്ക വിജയിച്ചാൽ സെമിയിൽ ഓസ്ട്രേലിയ ഇടം പിടിക്കും. ന്യൂസിലൻഡ് നേരത്തെ ഗ്രൂപ്പിൽ നിന്നും സെമി ഉറപ്പാക്കിയിരുന്നു.
168 റൺസ് പിന്തുടർന്ന അഫ്ഗാനായി 17 പന്തിൽ നിന്നും 30 റൺസുമായി ഓപ്പണർ റഹ്മാനുള്ള ഗുർബാസ് മികച്ച തുടക്കമാണ് നൽകിയത്.എന്നാൽ താരത്തിന് ശേഷമെത്തിയ ആർക്കും മികച്ച സ്കോർ നേടാനായില്ല. എന്നാൽ ഏഴാം വിക്കറ്റിൽ ദാർവിഷ് റസൂലിനെ കൂട്ടുപിടിച്ച് റാഷിദ് ഖാൻ തകർത്തടിച്ചതോടെ ഓസീസിൻ്റെ നെഞ്ചിടിപ്പേറി. അവസാനനിമിഷം വറെ റാഷിദ് പൊരുതി നോക്കിയെങ്കിലും അഫ്ഗാൻ പ്രതീക്ഷ 4 റൺസ് അകലെ അസ്തമിച്ചു.
