ഇംഗ്ലണ്ടിന്റെ രണ്ടാം ഇന്നിംഗ്സ് 233 റണ്‍സിൽ അവസാനിക്കുകയായിരുന്നു. അവസാന ദിവസം 57 റൺസ് കൂട്ടിച്ചേർക്കുന്നതിനിടെ ഇംഗ്ലീഷ് നിരയുടെ ആറു വിക്കറ്റുകൾ ശരവേഗത്തിൽ പിഴുതെറിഞ്ഞാണ് ഓസ്ട്രേലിയ മത്സരം പിടിച്ചെടുത്തത്. അഞ്ച് വിക്കറ്റ് സ്വന്തമാക്കിയ മിച്ചൽ സ്റ്റാർക്കാണ് ഇംഗ്ലണ്ടിനെ തകർത്തത്. ഹേസിൽവുഡും ലയണും രണ്ടു വിക്കറ്റുകളും സ്വന്തമാക്കി.
ആദ്യ ഇന്നിംഗ്സിൽ തകര്‍പ്പന്‍ സെഞ്ചുറിയിലൂടെ ഓസീസിന് മികച്ച സ്കോർ സമ്മാനിച്ച ഷോണ്‍ മാർഷാണ് മാൻ ഓഫ് ദ മാച്ച്. ഈ ജയത്തോടെ ഓസീസ് പരമ്പരയിൽ 2-0ന് മുന്നിലെത്തുകയും ചെയ്തു. സ്കോർ: ഓസ്ട്രേലിയ ഒന്നാം ഇന്നിംഗ്സ് 442/8 ഡിക്ലയേർഡ്, രണ്ടാം ഇന്നിംഗ്സ് 138. ഇംഗ്ലണ്ട് ഒന്നാം ഇന്നിംഗ്സ് 227, രണ്ടാം ഇന്നിംഗ്സ് 233.
