ഇന്ത്യന്‍ ബൗളര്‍മാരെല്ലാം മികച്ച പ്രകടനം കാഴ്ചവെച്ച മത്സരത്തില്‍ അരങ്ങേറ്റ മത്സരം കളിച്ച മലയാളി താരം ആശ ശോഭന 8.4 ഓവറില്‍ വെറും 21 റണ്‍സ് മാത്രം വഴങ്ങി 4 വിക്കറ്റുകളെടുത്തു. ദീപ്തി ശര്‍മ 2 വിക്കറ്റും പൂജ വസ്ത്രാല്‍ക്കര്‍, രാധാ യാഥവ് എന്നിവര്‍ ഓരോ വിക്കറ്റ് വീതവും വീഴ്ത്തി. 33 റണ്‍സെടുത്ത സുനെ ലസ് ആണ് ദക്ഷിണാഫ്രിക്കന്‍ നിരയിലെ ടോപ് സ്‌കോറര്‍. നേരത്തെ ആദ്യം ബാറ്റ് ചെയ്ത ഇന്ത്യ സ്മൃതി മന്ദാനയുടെ സെഞ്ചുറിയുടെ മികവിലാണ് 265 റണ്‍സ് നേടിയത്. ഇന്ത്യന്‍ മുന്‍നിര അപ്പാടെ പരാജയപ്പെട്ടപ്പോള്‍ സ്മൃതി മന്ദാന ഒറ്റയ്ക്കാണ് ഇന്ത്യയെ തോളിലേറ്റിയത്. 127 പന്തില്‍ 117 റണ്‍സാണ് സ്മൃതി നേടിയത്. ദീപ്തി ശര്‍മയും പൂജയുമാണ് സ്മൃതിക്ക് അവസാനം വരെ പിന്തുണ നല്‍കിയത്. ദീപ്തി ശര്‍മ 48 പന്തില്‍ 37 റണ്‍സും പൂജ വസ്ത്രാല്‍ക്കര്‍ 42 പന്തില്‍ 31 റണ്‍സും നേടി.
