കുട്ടി ക്രിക്കറ്റിന്റെ ആവേശപ്പോരായ ഐപിഎൽ സീസൺ 8 മത്സരങ്ങൾക്ക് തിയതി നിശ്ചയിച്ചു. 2015 ഏപ്രിൽ 8 മുതൽ തുടങ്ങി മേയ് 24ന് ഫൈനൽ നടക്കുമെന്നും ബിസിസിഐ വ്യക്തമാക്കി.
2016, 2017 വർഷങ്ങളിലെ ഐപിഎൽ മത്സര തീയതികളും ഇതിനൊപ്പം പ്രഖ്യാപിച്ചിട്ടുണ്ട്. 2016 ലെ മത്സരങ്ങൾ ഏപ്രിൽ 8 മുതൽ മേയ് 29 വരെയും 2017 ലെ മത്സരങ്ങൾ ഏപ്രിൽ 5 മുതൽ മേയ് 21 വരെയും നടത്താനാണ് നിശ്ചയിച്ചിരിക്കുന്നത്.
അതേസമയം അടുത്തമാസം ഓസ്ട്രേലിയ്ക്കെതിരെ നടക്കുന്ന ടെസ്റ്റ് പരമ്പരയ്ക്കുള്ള ടീമിനെയും ശ്രീലങ്കയ്ക്കെതിരായ അവസാന രണ്ട് ഏകദിനങ്ങൾക്കുള്ള ടീമിനെയും തെരഞ്ഞെടുക്കുന്നത് ബിസിസിഐ നീട്ടിവെച്ചു.