ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍ രാജ്യസഭാംഗമായി ജൂണ്‍ നാലിന് സത്യപ്രതിജ്ഞ ചെയ്യും. കഴിഞ്ഞ മാസമാണ് സച്ചിനെ കേന്ദ്രസര്‍ക്കാര്‍ രാജ്യസഭയിലേക്ക് നാമനിര്‍ദ്ദേശം ചെയ്തത്.
സച്ചിനൊപ്പം ബോളിവുഡ് നടി രേഖ, വ്യവസായ പ്രമുഖ അനു ആഗ എന്നിവരെയും രാജ്യസഭയിലേക്ക് നാമനിര്‍ദ്ദേശം ചെയ്തിരുന്നു. രേഖയും അനു ആഗയും കഴിഞ്ഞ സമ്മേളക്കാലത്ത് സത്യപ്രതിജ്ഞ ചെയ്തിരുന്നു. ഐ പി എല്ലില്‍ പങ്കെടുക്കേണ്ടിയിരുന്നതിനാലാണ് സച്ചിന്റെ സത്യപ്രതിജ്ഞ നീട്ടിവച്ചിരുന്നത്.
അന്താരാഷ്ട്ര ക്രിക്കറ്റില്‍ നൂറ് സെഞ്ച്വറികള്‍ നേടിയ ഏക ക്രിക്കറ്റ് താരമാണ് സച്ചിന്‍.
