ന്യൂസിലാന്‍ഡ് ക്യാപ്റ്റന് റോസ് ടെയ്‌ലര്‍ക്ക് സെഞ്ച്വറി
വെള്ളി, 31 ഓഗസ്റ്റ് 2012 (16:45 IST)
PRO
PRO
ചിന്ന സ്വാമി സ്റ്റേഡിയത്തില് നടക്കുന്ന അവസാന ടെസ്‌റ്റ് മത്സരത്തില്‍ ന്യൂസിലാന്‍ഡ് ക്യാപ്റ്റന് റോസ് ടെയ്‌ലര്‍ക്ക്(113) സെഞ്ച്വറി. ടെയ്‌ലറുടെ സെഞ്ച്വറി മികവില്‍ ന്യൂസിലാന്‍ഡ് 6 വിക്കറ്റ് നഷ്‌ടത്തില്‍ 329 റണ്‍സ് നേടിയിട്ടുണ്ട്.
മുന്‍ നിര ബാറ്റ്സ്മാന്‍‌മാരായ എംജെ ഗുപ്‌തില്‍(53), ബിബി മക്കല്ലം(0), കേന്‍ വില്യംസന്‍(17), റോസ് ടെയ്‌ലര്‍(113), ഡിആര്‍ ഫ്ലയന്‍(33), ജെസി ഫ്രാങ്ക്ലിന്‍(8) എന്നിവരാണ് ഔട്ടായത്. കഴിഞ്ഞ ടെസ്റ്റില് മികച്ച പ്രകടനം കാഴ്ചവെച്ച പ്രഗ്യാന്‍ ഓജ നാല് വിക്കറ്റ് നേടിയിട്ടുണ്ട്. ഫാസ്റ്റ് ബൌളര്‍ സഹീര്‍ ഖാനും ആര്‍ അശ്വിനും ഓരോ വിക്കറ്റ് വീതമുണ്ട്.
അവസാന ടെസ്റ്റില് ഇന്ത്യക്കെതിരെ കൂറ്റന്‍ സ്‌കോറാണ് ന്യൂസിലാന്‍ഡ് ലക്ഷ്യമിടുന്നത്.
