ദക്ഷിണാഫ്രിക്കന്‍ പര്യടനം റദ്ദാക്കി ഇന്ത്യ ത്രിരാഷ്ട്ര പരമ്പരയ്ക്ക് ഒരുങ്ങുന്നു!
ശനി, 14 സെപ്‌റ്റംബര്‍ 2013 (10:39 IST)
PRO
PRO
ഇന്ത്യന്‍ ക്രിക്കറ്റ് ബോര്‍ഡ് ദക്ഷിണാഫ്രിക്കന്‍ പര്യടനം റദ്ദാക്കി ത്രിരാഷ്ട്ര പരമ്പര സംഘടിപ്പിക്കാന്‍ നീക്കം നടത്തുന്നതായി റിപ്പോര്‍ട്ട്. ശ്രീലങ്ക, പാകിസ്ഥാന്‍ എന്നിവരെ പങ്കെടുപ്പിച്ച് ഏകദിന ത്രിരാഷ്ട്ര പരമ്പര നടത്താനാണ് നീക്കമെന്ന് അറിയുന്നത്.
ദക്ഷിണാഫ്രിക്കന്‍ ക്രിക്കറ്റ് ബോര്‍ഡുമായുള്ള അഭിപ്രായ വ്യത്യാസത്തിന്റെ പേരില്‍ നേരത്തേ പര്യടനം വെട്ടിക്കുറച്ചിരുന്നു. തുടര്‍ന്നാണ് ദക്ഷിണാഫ്രിക്കന്‍ പര്യടനം റദ്ദാക്കി ത്രിരാഷ്ട്ര പരമ്പര സംഘടിപ്പിക്കാന്‍ ഇന്ത്യന്‍ ക്രിക്കറ്റ് ബോര്‍ഡ് നീക്കം നടത്തുന്നത്.
പാക് ക്രിക്കറ്റ് ബോര്‍ഡ് സിഒ‌ഒ സുഭാന്‍ അഹമ്മദ്, ശ്രീലങ്കന്‍ ക്രിക്കറ്റ് സെക്രട്ടറി നിശാന്ത രണതുംഗ, ഏഷ്യന്‍ ക്രിക്കറ്റ് കൌണസില്‍ സി‌ഇഒ സയ്യിദ് ആഷ്‌റഫുള്‍ ഹഖ് തുടങ്ങിയവര്‍ ചര്‍ച്ചക്കായി ഇന്നലെ ചെന്നൈയില്‍ എത്തിയിട്ടുണ്ട്.
