അച്ചടക്കത്തിന്റെ പേരില്‍ ഒരു ടെസ്റ്റ് നഷ്ടപ്പെടാനിടയായത് മാനസികമായി തകര്‍ത്തുവെന്നും വാട്സണ് . കരിയറില്‍ പരിക്കും മറ്റു കാരണങ്ങളാലും പലവട്ടം ടെസ്റ്റ് മത്സരങ്ങള്‍ കളിക്കാന്‍ പറ്റാതെ പോയിട്ടുണ്ട്. പക്ഷേ അച്ചടക്കത്തിന്റെ പേരില്‍ അങ്ങനെയൊന്നുണ്ടാവുന്നത് ആദ്യമാണ്. അതേല്പിച്ച ആഘാതം വലുതുമാണെന്നും ഓസ്‌ട്രേലിയന്‍ ക്രിക്കറ്റ് ടീം വൈസ് ക്യാപ്റ്റന്‍ ഷെയ്ന്‍ വാട്സണ്.
ക്രിക്കറ്റ് ഓസ്‌ട്രേലിയ പെര്‍ഫോമന്‍സ് മാനേജര്‍ പാറ്റ് ഹൊവാര്‍ഡ് നടത്തിയ പരാമര്‍ശങ്ങളെ വാട്സണ് വിമര്‍ശിച്ചു ‘ചിലപ്പോള്‍ മാത്രം ടീമിനുവേണ്ടി കളിക്കുന്ന താരമെന്നായിരുന്നു ഹൊവാര്‍ഡിന്റെ പരാമര്‍ശം‘.
ക്യാപ്റ്റന്‍ മൈക്കല്‍ ക്ലാര്‍ക്കുമായി കാര്യമായ പ്രശ്‌നങ്ങളൊന്നുമുണ്ടായിരുന്നില്ലെന്ന് വാട്സണ് .പന്ത്രണ്ടാമത്തെ വയസ്സു മുതല്‍ ഞങ്ങള്‍ക്ക് പരസ്പരം അറിയാം.ഊതിവീര്‍പ്പിക്കാന്‍ തക്കവണ്ണമുള്ള ഒരു പ്രശ്‌നങ്ങളില്ലെന്നും വാട്സണ് പറഞ്ഞു.
പ്രസവം അടുത്തിരിക്കുന്ന ഭാര്യയോടൊപ്പം കുറച്ചു ദിവസം ചെലവഴിക്കാനാണ് തീരുമാനം. ഇന്ത്യയുമായുള്ള മൂന്നാം ക്രിക്കറ്റ് ടെസ്റ്റിനുള്ള ടീമില്‍ നിന്നും ഓസ്‌ട്രേലിയന്‍ ക്രിക്കറ്റ് ടീം വൈസ് ക്യാപ്റ്റന്‍ ഷെയ്ന്‍ വാട്സണ് പുറത്താക്കപ്പെട്ടതുമായി ബന്ധപ്പെട്ട് വളരെയധികം വിവാദങ്ങളുണ്ടായിരുന്നു.