ത്രിരാഷ്ട്രപരമ്പരയില്‍ ശ്രീലങ്കയ്ക്കെതിരെ തകര്‍പ്പന്‍ പ്രകടനം നടത്തിയ വിരാട് കോഹ്‌ലിക്ക് യുവരാജ് സിംഗിന്റെ അഭിനന്ദനം. അര്‍ബുദ ബാധയെ തുടര്‍ന്ന് ബോസ്റ്റണില്‍ ചികിത്സയില്‍ കഴിയുന്ന യുവരാജ് ട്വിറ്ററിലൂടെയാണ് കോഹ്‌ലിയെ അഭിനന്ദനം അറിയിച്ചത്.
കോഹ്‌ലിയുടേത് ഗംഭീര ഇന്നിംഗ്സായിരുന്നുവെന്ന് യുവരാജ് ട്വിറ്ററില്‍ കുറിച്ചു.
ശ്രീലങ്ക ഉയര്‍ത്തിയ 321 എന്ന കൂറ്റന്‍ വിജയലക്‍ഷ്യം പിന്തുടര്‍ന്ന ഇന്ത്യ പതിമൂന്നിലധികം ഓവറുകള്‍ ബാക്കിനില്‍ക്കേ വിജയം നേടിയിരുന്നു. 86 പന്തുകളില്‍ നിന്ന് 133 റണ്‍സെടുത്ത് പുറത്താകാതെ നിന്ന വിരാട് കൊഹ്‌ലിയുടെ പ്രകടനമാണ് ഇന്ത്യയെ വിജയതീരത്തെത്തിച്ചത്.
