ഇന്ത്യന്‍ കായിക താരങ്ങളിലെ സമ്പന്നന്‍ ഇന്ത്യന്‍ ക്രിക്കറ്റ് ടീം ക്യാപ്റ്റന്‍ എം എസ് ധോണി. ഫോര്‍ബ്സ് ഇന്ത്യ പുറത്തുവിട്ട പട്ടിക പ്രകാരമാണിത്.
സമ്പന്നരായ 100 ഇന്ത്യന്‍ സെലിബ്രിറ്റികളുടെ പട്ടികയാണ് ഫോബ്സ് തയ്യാറാക്കിയത്. ഇതില്‍ കായിക വിഭാഗത്തില്‍ ധോണിയെ കടത്തിവെട്ടാന്‍ ആരും തന്നെയില്ല. 2011 ഒക്ടോബര്‍ മുതല്‍ 2012 സെപ്റ്റംബര്‍ വരെയുള്ള കാലവളവില്‍ 135.16 കോടി രൂപയാണ് ധോണി നേടിയത്. 21 ബ്രാന്‍ഡുകളാണ് ധോണി പ്രമോട്ട് ചെയ്തത്.
ബോളിവുഡ് താരം ഷാരൂഖ് ഖാനാണ് പട്ടികയില്‍ ഒന്നാമന്‍. 202.8 കോടി രൂപയാണ് ഷാരൂഖിന്റെ വരുമാനം. രണ്ടാം സ്ഥാനത്ത് സല്‍മാന്‍ ഖാന്‍ ആണ്(144.2 കോടി രൂപ).
ആദ്യ പത്ത് സ്ഥാനക്കാര്‍ ഇവരാണ്: ഷാരൂഖ് ഖാന്‍, സല്‍മാന്‍ ഖാന്‍, ധോണി, അക്ഷയ് കുമാര്‍, അമിതാഭ് ബച്ചന്‍, സച്ചിന്‍ ടെന്റുല്‍ക്കര്‍, കരീന കപൂര്‍, വീരേന്ദര്‍ സെവാഗ്, വിരാട് കോഹ്‌ലി, കത്രീന കൈഫ്.
സൈന നെഹ്‌വാള്‍, സാനിയ മിര്‍സ എന്നീ കായികതാരങ്ങളും ആദ്യ 50 സ്ഥാനങ്ങളില്‍ ഇടംപിടിച്ചു.
