ലോകത്തിന് ഭീഷണിയായി കൊറോണയുടെ പുതിയ വകഭേദം, ഇന്ത്യയിലും ബ്രിട്ടനിലുമുള്ള വൈറസുകളുടെ സങ്കരമെന്ന് ഗവേഷകർ, അതിവേഗം പടരാൻ ശേഷി

കൊവിഡ് വ്യാപനത്തെ നിയന്ത്രിക്കാനുള്ള ശ്രമങ്ങൾക്ക് വെല്ലുവിളി ഉയർത്തി കൊറോണ വൈറസിന് വീണ്ടും ജനിതകമാ‌റ്റം. ഇന്ത്യയിലും യുകെയിലുമുള്ള വൈറസ് വകഭേദങ്ങളുടെ സംയുക്തമായ കൊറോണ വൈറസ് വിയറ്റ്നാമിൽ കണ്ടെത്തി.

വിയറ്റ്‌നാം ആരോഗ്യമന്ത്രിയാണ് ഈ വിവരം സ്ഥിരീകരിച്ചത്. മറ്റ് വകഭേദങ്ങളേക്കാൾ വേഗത്തിൽ പടരുന്നതാണ് പുതിയ വൈറസ്. 6856 പേർക്കാണ് ഇതുവരെ വിയറ്റ്നാമിൽ കൊവിഡ് ബാധിച്ചത്. ഇതുവരെ ഇവിടെ  47 പേർ മരിച്ചു. നിലവിൽ വാക്‌സിനേഷൻ പദ്ധതികൾ പുരോഗമിക്കുകയാണ്.