സംസ്ഥാനത്തെ രോഗവ്യാപനം അതിതീവ്രമാണെന്നും അതിനാൽ തന്നെ രണ്ടാഴ്‌ച കാലം സംസ്ഥാനത്ത് ലോക്ക്‌ഡൗൺ ചെയ്യുകയാണ് സംസ്ഥാനം അടിയന്തിരമായി ചെയ്യേണ്ടതെന്നും സര്‍ക്കാര്‍ ഡോക്ടര്‍മാരുടെ സംഘടനയായ കെജിഎംഒഎ ആവശ്യപ്പെട്ടു. വായുവിലൂടെ വൈറസ് പടരുമെന്ന് പഠനങ്ങൾ വ്യക്തമാക്കുന്നതിനാൽ ആളുകള്‍ പുറത്തിറങ്ങുന്നത് വ്യാപനത്തോത് വര്‍ധിപ്പിക്കും. ടെസ്റ്റ് പോസിറ്റിവിറ്റി 25 എന്നത് അപായസൂചനയാണ്. ഇത് രോഗികളുടെ വര്‍ധന ഇനിയും കൂടുമെന്ന സൂചനയാണ്‌ നല്‍കുന്നതെന്നും കെജിഎംഒഎ പറയുന്നു.
