പ്രമുഖ അമേരിക്കൻ ഫാർമസ്യൂട്ടിക്കൽ കമ്പനിയായ ജോൺസൺ ആൻഡ് ജോൺസന്റെ ഒറ്റ ഡോസ് വാക്‌സിന് ഇന്ത്യയിൽ അടിയന്തിര ഉപയോഗത്തിന് അനുമതി. ഇന്നലെയാണ് ഉപയോഗത്തിന് അനുമതി തേടി ജോൺസൺ അപേക്ഷ നൽകിയത്.
ഹൈദരാബാദ് ആസ്ഥാനമായ ബയോളജിക്കൽ ഇയാണ് രാജ്യത്ത് ജോൺസൺസ് വാക്‌സിൻ ലഭ്യമാക്കുക. സാധാരണ റഫ്രിജറേറ്ററിൽ സൂക്ഷിക്കാവുന്ന വാക്‌സിൻ ആണിത്. നഷ്ടപരിഹാരം സംബന്ധിച്ച വ്യവസ്ഥകളെ ചൊല്ലിയുള്ള ഭിന്നതകളെ തുടർന്ന് ജോൺസൺ ആൻഡ് ജോൺസൺ ഡ്രഗ്‌സ് കൺട്രോളർക്ക് നൽകിയ അപേക്ഷ പിൻവലിച്ചതായി നേരത്തെ വാർത്തകളുണ്ടായിരുന്നു.