തമിഴ്‌നാട്ടിലെ വമ്പൻ ആഘോഷമാണ് പൊങ്കൽ കാലം. ഒരാഴ്ചയോളം നീണ്ടുനിൽക്കുന്ന ഈ അവധിസമയത്ത് വമ്പൻ സിനിമകൾ റിലീസിനെത്തുക പതിവാണ്. പലപ്പോഴും സൂപ്പർ താരങ്ങളുടെ ചിത്രവും ഈ ആഘോഷക്കാലത്ത് ഏറ്റുമുട്ടാറുണ്ട്. ഇത്തവണ വിജയുടെ വാരിസും അജിത് കുമാറിൻ്റെ തുനിവുമാണ് പൊങ്കൽ റിലീസിനായി എത്തുന്നത്. ഇപ്പോഴിതാ വാരിസ് നിർമാതാവ് ദിൽ രാജു നടത്തിയ പരാമർശമാണ് വിവാദമാകുന്നത്.
വൻ വിമർശനമാണ് ദിൽ രാജുവിൻ്റെ പരാമർശത്തിനെ നേരെ ഉയരുന്നത്. അജിത് ആരാധകരും നിർമാതാവായ ദിൽ രാജുവിനെതിരെ രംഗത്തെത്തി. തമിഴ്‌നാട്ടിലെ ഏറ്റവും വലിയ താരം അജിത്താണെന്ന് ഇവർ പറയുന്നു. വർഷങ്ങൾക്ക് ശേഷം അജിത്തും വിജയും ബോക്സോഫീസിൽ ഏറ്റുമുട്ടുന്ന പൊങ്കലിൽ ഇരുവരുടെയും സിനിമകൾക്ക് തുല്യമായ സ്ക്രീനുകളാണ് അനുവദിച്ചിട്ടുള്ളത്.
