പ്രിയദര്‍ശന്‍ സംവിധാനം ചെയ്ത തേന്മാവിന്‍ കൊമ്പത്ത് 1994 ലാണ് റിലീസ് ചെയ്തത്. തിയറ്ററുകളില്‍ വന്‍ വിജയമായ ഈ ചിത്രം നിര്‍മിച്ചിരിക്കുന്നത് എന്‍.ഗോപാലകൃഷ്ണന്‍. പ്രിയദര്‍ശന്‍ തന്നെയാണ് തിരക്കഥ. ബേണി - ഇഗ്നേഷ്യസ് ഗാനങ്ങളും എസ്.പി.വെങ്കടേഷ് പശ്ചാത്തല സംഗീതവും ഒരുക്കിയിരിക്കുന്നു. കെ.വി.ആനന്ദ് ആണ് ക്യാമറ. മോഹന്‍ലാല്‍, ശോഭന എന്നിവര്‍ക്കു പുറമേ നെടുമുടി വേണു, ശ്രീനിവാസന്‍, കവിയൂര്‍ പൊന്നമ്മ, കെ.പി.എ.സി ലളിത, സുകുമാരി, ശങ്കരാടി, കുതിരവട്ടം പപ്പു എന്നിവരും ശ്രദ്ധേയമായ കഥാപാത്രങ്ങളെ അവതരിപ്പിച്ചിരിക്കുന്നു.
