സംസ്ഥാനത്ത് സിനിമാ തിയറ്ററുകള്‍ നാളെയും മറ്റന്നാളും അടച്ചിടും. തിയറ്റര്‍ സംഘടനയായ ഫിയോക്കിന്റെതാണ് തീരുമാനം. ജൂഡ് ആന്തണി സംവിധാനം ചെയ്ത '2018' കരാര്‍ ലംഘിച്ച് ഒ.ടി.ടി.ക്ക് നേരത്തെ നല്‍കിയതില്‍ പ്രതിഷേധിച്ചാണ് തീരുമാനം. കൊച്ചിയില്‍ ചേര്‍ന്ന തിയറ്റര്‍ ഉടമകളുടെ യോഗത്തിലാണ് തീരുമാനമെടുത്തത്. നാളെയും മറ്റന്നാളുമായി സിനിമ കാണുന്നതിനായി ഓണ്‍ലൈനില്‍ ബുക്ക് ചെയ്ത ടിക്കറ്റുകളുടെ തുക റീഫണ്ട് ചെയ്യുമെന്നും തിയറ്റര്‍ ഉടമകള്‍ വ്യക്തമാക്കി.
