പൃഥ്വിരാജിന്റെ കരിയറിലെ ഏറ്റവും വലിയ ഓപ്പണിംഗ് ആടുജീവിതം നേടിക്കൊടുത്തു. ആദ്യ ദിനത്തില്‍ 6 കോടിയില്‍ കൂടുതല്‍ കേരള ബോക്‌സ് ഓഫീസില്‍ നിന്ന് തന്നെ സിനിമ നേടിയിട്ടുണ്ടെന്നാണ് റിപ്പോര്‍ട്ടുകള്‍.തമിഴ്, ഹിന്ദി, തെലുങ്ക്, കന്നഡ ഭാഷകളില്‍ കൂടി റിലീസ് ചെയ്തിട്ടുള്ള സിനിമയുടെ മൊത്തം റിലീസ് ദിവസ കളക്ഷന്‍ ചേര്‍ക്കുമ്പോള്‍ ഇന്ത്യയില്‍ നിന്ന് 7.45 കോടി സിനിമ നേടിയത്.6.5 കോടി ആണ് കേരള ബോക്‌സ് ഓഫീസ് കളക്ഷന്‍.തമിഴ് 0.5 കോടി, തെലുങ്ക് 0.4 കോടി, ഹിന്ദി 0.01 കോടി, കന്നഡ 0.04 കോടി എന്നിങ്ങനെയാണ് നേട്ടം.
