ഓണസമ്മാനമായി പ്ലസ് വണ്‍ വിദ്യാര്‍ഥി റിതുല്‍ രാജിന് പുത്തന്‍ വീട് സമ്മാനിച്ച് സുരേഷ് ഗോപി.നാട്ടിക എസ്എന്‍ ട്രസ്റ്റ് സ്‌കൂളിലെ വിദ്യാര്‍ഥിയാണ് റിതുല്‍.നാട്ടിക എകെജി കോളനിയിലെ പുതുതായി നിര്‍മ്മിച്ച വീട്ടിലേക്ക് സുരേഷ് ഗോപി എത്തി, പാലുകാച്ചി. നേരത്തെ പണയത്തില്‍ ആയിരുന്ന വീട് ജപ്തി ചെയ്യുമെന്ന അവസ്ഥയില്‍ എത്തിയപ്പോള്‍ സുഹൃത്തുക്കളും സ്‌കൂളിലെ അധ്യാപകരും റിതുലിനായി ഒരുമിച്ചു. അവരുടെ ലക്ഷ്യം ഒന്നുമാത്രം പണയത്തിലായ ആധാരം തിരിച്ചെടുക്കണം. പലവിധ ചലഞ്ചുകള്‍ നടത്തി പണം സ്വരൂപിച്ച് ആധാരം തിരിച്ചെടുത്തു.ആധാരം കൈമാറ്റച്ചടങ്ങിനു സ്‌കൂളിലെത്തിയ സുരേഷ് ഗോപി റിതുല്‍ രാജിനെ കുറിച്ച് കൂടുതല്‍ അറിഞ്ഞു.
