ഇക്കഴിഞ്ഞ ഞായറാഴ്ചയായിരുന്നു നടി സായി പല്ലവി തന്റെ 29-ാം പിറന്നാള്‍ ആഘോഷിച്ചത്. തെലുങ്ക്, തമിഴ് ചിത്രങ്ങളില്‍ സജീവമായ താരത്തിന് ലോകമെമ്പാടുമുള്ള ആരാധകര്‍ ആശംസകള്‍ അറിയിച്ചു. തങ്ങളുടെ പ്രിയതാരത്തിന്റെ ജന്മദിനം രക്തദാന ക്യാമ്പുകള്‍ സംഘടിപ്പിച്ചും കോവിഡ് ദുരിതാശ്വാസ നിധിയിലേക്ക് സംഭാവന നല്‍കിയും അനാഥാലയങ്ങളിലേക്ക് ഭക്ഷണം എത്തിച്ച നല്‍കിയുമാണ് ആരാധകര്‍ മാതൃകയായത്. അതിന്റെ ചിത്രങ്ങളെല്ലാം സോഷ്യല്‍ മീഡിയയില്‍ പ്രചരിച്ചിരുന്നു. ഇതിനെല്ലാം നന്ദി പറഞ്ഞുകൊണ്ട് സായി പല്ലവി തന്നെ രംഗത്തെത്തി.
